ಬಂಗಾಳಿ ರಂಗಭೂಮಿಯ ಪ್ರಸಿದ್ಧ ನಾಟಕ ಕಾರ, ಕಲ್ಕತ್ತಾದ ಪ್ರಸಿದ್ದ ಸ್ಟಾರ್ ಥಿಯೇಟರ್ ಮಾಲೀಕ ಶ್ರೀ ಗಿರೀಶಚಂದ್ರಘೋಶ್.

ಬಂಗಾಳಿ ರಂಗಭೂಮಿಯ ಧ್ರುವತಾರೆ.... 

ಇವರೊ ಮಹಾನ್  ಕುಡುಕ,  ನಾ ಕುಡಿದ ಬಾಟಲಿಗಳನ್ನು ಒಂದರಮೇಲೊಂದು ಪೇರಿಸಿಟ್ಟಿದ್ದರೆ ಹಿಮಾಲಯ ಪರ್ವತಕ್ಕಿಂತಲೂ  ಏತ್ತರ ಆಗುತ್ತಿತ್ತು ಎಂದು ಹಾಸ್ಯದಲ್ಲಿ ಹೇಳುತ್ತಿದ್ದವ , ವೃತ್ತಿಯಲ್ಲಿ ನಾಟಕಕಾರ,1893  ರ ಅಂದಿನ ದಿನಗಳಲ್ಲಿ ಶೇಕ್ಸ್ ಪಿಯರನ  ಮಾಕ್ಬೆತ್  ನಾಟಕವನ್ನು  ಬಂಗಾಳಿ ರಂಗ ಮಂಚದಲ್ಲಿ ಪ್ರಯೋಗಿಸಿದವ, ಶ್ರೀ ಶಂಕರಾಚಾರ್ಯ, ಬುದ್ಧದೇವಚರಿತ, ಪೂರ್ಣಚಂದ್ರ  ಇನ್ನೂ ಹಲವಾರು ಸಧಭಿರುಚಿಯ ನಾಟಕಗಳನ್ನು  ತನ್ನದೇ ಒಡೆತನದ   ನಾಟಕ ಕಂಪನಿಯಲ್ಲಿ  ರಂಗಪ್ರಯೋಗ ಮಾಡುತ್ತಾ ಹಲವಾರು ನಾಟಕ ಕಂಪನಿಯ ಕಾರ್ಮಿಕರಿಗೆ ಉದ್ಯೋಗವಿತ್ತವ, ಶ್ರೀ ರಾಮಕೃಷ್ಣ ಪರಮಹಂಸರು ಕೂಡ  ಆಗಾಗ  ನಾಟಕ ನೋಡಲು ಹೋಗುತ್ತಿದ್ದದುಂಟು ಇವರ ಥಿಯೇಟರ್ಗೆ,   ಶ್ರೀ ರಾಮಕೃಷ್ಣರಿಗಷ್ಟೇ ಉಚಿತ ಪ್ರವೇಶ ಜೊತೆಗೆ ಹೋದವರಬಳಿ ಹಣ ವಸೂಲಿ ಮಾಡದೇ ಬಿಟ್ಟವರಲ್ಲ, ಹೀಗೆ ಶ್ರೀ ರಾಮಕೃಷ್ಣರ ಸಂಪರ್ಕಕ್ಕೆ  ಬಂದವ, ಒಮ್ಮೆ  ಗುರುದೇವ ಶ್ರೀ ರಾಮಕೃಷ್ಣರನ್ನು ನೋಡಲು ಆಶ್ರಮ ಕ್ಕೆ ಬಂದಾಗ ಅಲ್ಲಿ  ಹರಿಯುತ್ತಿದ್ದ  ಆ ಗಂಗೆಯಲ್ಲಿ ಮುಳುಗೆದ್ದು ಬಾ ಎನ್ನುತ್ತಾರೆ , ಗಂಗೆಯಲ್ಲಿ ಮುಳುಗೆದ್ದು   ಪರಿಶುದ್ಧವಾದದ್ದು  ನಾನಾ ಅಥವಾ ನೀನಾ ಎಂದು  ಗಂಗೆಗೇ ನಗುತ್ತಾ ಪ್ರಶ್ನಿಸಿದವರು ಇವರು . ಜೀವನ ಸಂಧ್ಯಾಕಾಲದಲ್ಲಿ  ಶ್ರೀ ರಾಮಕ್ರಷ್ಣರಿಗೆ ಶರಣಾಗಿ,  ತನ್ನ ಜೀವಿತ ಕೊನೆಯ ದಿನಗಳನ್ನು ರಾಮಕೃಷ್ಣರ ಬಳಿ ಕಳೆದ ಇವ  ಬಂಗಾಳಿ ರಂಗಭೂಮಿಯ ಪ್ರಸಿದ್ಧ ನಾಟಕ ಕಾರ, ಕಲ್ಕತ್ತಾದ ಪ್ರಸಿದ್ದ ಸ್ಟಾರ್  ಥಿಯೇಟರ್  ಮಾಲೀಕ  ಶ್ರೀ  ಗಿರೀಶಚಂದ್ರಘೋಶ್.